Оңтүстік Кореяда қазақстандық азаматқа іздеу жарияланды
2024 жылдың 21 қыркүйек кешінде Оңтүстік Кореяда заңсыз жүрген Қазақстан азаматы автокөлікпен жол апатына ұшырады. Оқиға Чонбу жылдамдығы жоғары тасжолының Ільджук айналма жолының маңында, Ансон қаласында, Кёнгидо провинциясында орын алған. Бұл туралы Lnews.kz сайты Yna ақпарат агенттігіне сілтеме жасап хабарлады.
Жол апатынан кейін құқық қорғау органдары қазақстандық азаматты тексеруге кірісті. Оны жұмысқа орналастыруға көмектескен делдал полицияға азаматтың құжаттарының жоқ екенін мәлімдеді. Осыдан кейін полицейлер құқық бұзушыны бөлімшеге алып кеткен.
Алайда, 21:20 шамасында, азаматты саусақ іздерін тануға арналған құрылғыға жақындатып, ғимаратқа кіргізбек болған кезде, ол күтпеген жерден полицейлерді итеріп жіберіп, қашып кеткен. Белгілі болғандай, Қазақстан азаматының Оңтүстік Кореяда болу мерзімі биылғы жылдың шілде айында аяқталған.
Полиция өкілдері:
Азамат А. ешқандай қарсылық көрсетпей, біздің бөлімшемізге өз еркімен келген болатын, сондықтан оған ешқандай физикалық шара қолданылмады... Қазіргі уақытта қашып кеткен азаматты іздестіру жұмыстары жүргізіліп жатыр, – деп мәлімдеді.
Оңтүстік Кореядағы полиция бөлімшелері іздеу жұмыстарын күшейтіп, қазақстандықты табуға бар күштерін салуда.