2024 жылы 27 қыркүйекте танымал британдық актриса Мэгги Смит 89 жасында Лондонда өмірден өтті. Бұл туралы оның ұлдары ресми түрде хабарлады.
Мэгги Смиттің өмірбаяны
Мэгги Смит (Маргарет Натали Смит) 1934 жылы 28 желтоқсанда Англияның Эссекс графтығындағы Илфорд қаласында дүниеге келген. Оның әкесі Оксфорд университетінің профессоры, ал анасы Глазго қаласындағы хатшы болған. Мэггидің екі егіз ағасы — Йэн мен Аластер болған. Бала кезінен өнерге жақын болып, Оксфордта білім алып жүргенде театр сахнасында дебют жасады. 1952 жылы ол "Он екінші түн" пьесасындағы Виола рөлін сомдап, кәсіби сахнаға шықты.
Мансабы мен жетістіктері
Мэгги Смиттің кино саласындағы мансабы қатаң және мінезді, бірақ әзіл-оспақтан кенде емес кейіпкерлерімен танылды. Ол алты рет "Оскар" сыйлығына ұсынылып, екі мәрте жеңіске жетті: 1970 жылы "Мисс Джин Бродидің гүлденуі" фильміндегі рөлі үшін және 1979 жылы "Калифорния қонақ үйі" фильміндегі Диана Берри рөлі үшін. Сонымен қатар, оның қоржынында төрт "Эмми", жеті BAFTA, үш "Алтын глобус" және бес актерлер гильдиясының сыйлығы бар.
Актриса 1989 жылы Британ империясы орденінің Дама-командоры атанып, "дама" құрметті атағына ие болды.
Жеке өмірі
Мэгги Смит екі рет тұрмыс құрған. Алғашқы күйеуі актер Роберт Стивенс болса, екінші некесі драматург Беверли Кросспен болды. Оның екі баласы бар: Крис Ларкин мен Тоби Стивенс. Актрисаның бес немересі бар.
2007 жылы "Гарри Поттер" фильмдерінің түсірілімдері кезінде Смитке сүт безінің қатерлі ісігі диагнозы қойылды. Алайда ол ауруына қарамастан жұмысын жалғастырып, толық емделіп шықты. Өмірінің соңғы жылдарында ол кино мен театрдан алыстап, денсаулығын күтуге көңіл бөлді.
Мэгги Смиттің мұрасы
Актриса Мэгги Смитті әлем халықтары сүйікті кино жұлдызы ретінде есінде сақтайды. Оның "Гарри Поттер" сериясындағы Минерва Макгонагалл рөлі, сондай-ақ "Даунтон Abbey" мен "Таинственный сад" сынды фильмдердегі рөлдері мәңгілікке ел есінде қалады.
Мэгги Смиттің өмірі мен өнері оның жанкүйерлері мен замандастары үшін үлкен мұра болып қалмақ.