Осы оқиғалар АҚШ-тың алаңдаушылығын туғызуда, себебі қақтығыс ауқымды аймақтық соғысқа ұласуы мүмкін. Politico мәліметтеріне сүйенсек, АҚШ дипломатиялық шаралар арқылы шиеленісті басуға тырысқанымен, жағдай бақылаудан шығып барады. Әсіресе, екі тарап та ауыр қару қолдана бастаған соң, соғысты тоқтату мүмкіндігі әлсіреуде. Израиль мен «Хезболланың» алдыңғы соғысы (2006) үлкен шығындармен аяқталғанын ескерсек, бұл жолғы қақтығыс одан да ауыр болуы мүмкін.
Қазір Израиль өз әскерін солтүстікке шоғырландырып, «Хезболланың» шабуылдарына дайындалып жатыр. Қарулы топтың иелігінде 150 мыңнан астам зымыран мен дрон бар, бұл Израильдің барлық аумағына қауіп төндіруде. Израиль де өз кезегінде ауыр қару-жарақпен жауап беруге дайын екенін мәлімдеді.
Осы оқиғалар аймақтық тұрақтылыққа тікелей қауіп төндіріп отыр. Егер соғыс басталса, Иран, Сирия сияқты елдер де қақтығысқа араласуы мүмкін. АҚШ пен Израильдің бұл бағыттағы дипломатиялық күш-жігері қақтығысты тоқтатуға тырысқанымен, жағдай одан әрі ушығуы ықтимал.