Вакцинация Ұлттық вакцинация күнтізбесіне сәйкес жүзеге асырылуда. Дүниежүзілік денсаулық сақтау ұйымының ұсыныстарына сәйкес, вакцинация жоспарлы түрде 11 жастағы қыздарға жасалады. Сондай-ақ, ата-аналардың өтініштері бойынша 12-13 жас аралығындағы қыздарға да толықтырушы вакцинация жүргізілуде. Вакцина екі дозамен 6 айлық интервалмен салынады.
Вакцинацияның аймақтар бойынша жүзеге асырылуы
Қазіргі уақытта вакцинация еліміздің 9 өңірінде: Қарағанды, Шығыс Қазақстан, Батыс Қазақстан, Павлодар, Жетісу, Түркістан, Ұлытау, Ақмола облыстарында және Астана қаласында жүргізілуде. Бұған қоса, тағы 6 өңірде: Абай, Ақтөбе, Алматы, Атырау, Қостанай, Солтүстік Қазақстан облыстарында вакциналау науқаны басталды.
Жатыр мойны обырының алдын алудың ең тиімді жолы – АПВ-ға қарсы вакцинация. Қазақстанда жыл сайын 1900-ге жуық жатыр мойны обырының жаңа жағдайы тіркеледі, оның ішінде орта есеппен 600-ден астам әйел осы аурудан қайтыс болады. Вакцинация – бұл вирустың таралуын болдырмау және аурудың алдын алу үшін маңызды шара.